Алиса Александрова, Мария Никифорова, Игорь Ульянов
Паянхи куна лару-тăру уйрăмах Шупашкарта тата Çĕнĕ Шупашкарта кăткăс. Тĕп хулара строительство вăраха кайнă 8 тĕслĕх пур, тепри — Çĕнĕ Шупашкарта. Çурт тума пая кĕрсе укçа хывни пирки 2 пине яхăн килĕшӳ тунă çынсемпе. «Алза», «Кратонстрой», «Победа», «Стройсфера», «СУОР» тулли мар яваплă пĕрлешӳсем хваттер уççисене пама васкамаççĕ хуçисене. Хăшĕсенче лифт тата вентиляци тытăмĕсене туса пĕтермелле е шалти ĕçсене вĕçлемелле. Шупашкарти 2 çурта çынсем хăçан куçасси пирки вара шантарса каламалли çук. Соляново микрорайонти çак объекта, сăмахран, иртнĕ çул вĕçĕнче туса пĕтермелле пулнă. Анчах кунта малтанхи тапхăра та вĕçлемен. Хула администрацийĕ «Алза» фирмăна 2019 çулти çурла уйăхĕччен вăхăт панă. Пурпĕр халĕ те рабочисем те, хуралçăсем те курăнмарĕç. Строительство материалĕсене юр хӳсе кайнă.
Граждан урамĕнчи 6-мĕш çурта тума пуçăннă «Кратонстрой» пĕрлешӳ пая кĕнисемпе пачах та çыхăну тытмасть. Вĕçне-хĕрне ăçта шырамаллине те пĕлмеççĕ çынсем. Унсăр пуçне тĕрлĕ тĕрĕслев хыççăн строительство компанийĕ уйăрнă укçана кирлĕ пек усă курманни палăрнă. 2 хваттере вара 2 хутчен сутма хăтланнă.
«Кратонстрой», «Алза» пуçланă ĕçсене епле тата мĕнле укçа-тенкĕпе вĕçлесси хальлĕхе паллă мар.
Источник: ГТРК Чувашия
03.02.2018 11:40