Çĕрпÿри издательство çурчĕ професси уявне çитĕнÿсемпе кĕтсе илет

Кăрлач уйăхĕ калем ăстисемшĕн уявсемпе пуян. Умлă-хыçлă Раççей, унтан Чăваш пичечĕн кунĕсене паллă тăваççĕ. Республикăра халĕ 177 массăлла информаци хатĕрĕ шутланать. Вĕсенчен ытларахăшĕ - тĕрлĕ хулапа районта тухса тăракан пичет кăларăмĕсем. Хаçат-журнал кăларас ĕç паян мĕнле аталанать, çырăнса илекенсен йышĕ чакман-и, кадр ыйтăвĕ пур-и? Çак ыйтусен тупсăмне шыраса пирĕн пултарулăх ушкăнĕ Çĕрпÿри издательство çуртне çитрĕ.    

Леонид Петров, Никита Углев

Ирхи  8 сехет те 30 минут. Йăлана кĕнĕ йĕркепе „Çĕрпÿ хыпарçи“ хаçатра тăрăшакансен ĕç кунĕ тĕп редактор ирттерекен  планеркăран пуçланать. Кунта пичете хатĕрлекен статьясен темисене, журналистсен ăçта çула тухмаллине сÿтсе яваççĕ. Унтан тÿрех ĕçе пикенеççĕ. Хаçат кăларассипе куллен 4 корреспондентпа 4 дизайнер тăрăшать. Пÿлĕмре клавиатура, принтер сасси кăна илтĕнсе тăрать.

Специалистсем пурте пысăк опытлă: пичетре 20-30 çула яхăн вăй хураççĕ. Çĕрпÿри калем ăстисен ретĕнче чи çамрăкки Руслан Сайфутдинов редактор. Вăл редакцире икĕ çул каялла ĕçлеме пуçланă.

Çамрăк журналист шкулта вĕреннĕ чухнех район хаçачĕпе çыхăну тытнă. Чăваш патшалăх университетĕнчи журналистика факультетне пĕтерсен пĕр вăхăт Мускавра ĕçленĕ. Кĕçех тăван тăрăха таврăннă. Руслан ытларах социаллă темăсене, халăха канăç паман çивĕч ыйтусене çутатма кăмăллать. 
 
Малтан редакципе типографи уйрăм пулнă. 2002-мĕш çулта вĕсене пĕрлештернĕ. Хаçат паян 4 пин ытла  тиражпа тухать. Ку вăл лайăх кăтарту шутланать.

«Çĕрпÿ хыпарçи» пĕр çуртрах вырнаçнă типографире пичетленет. Вăл А-3 форматпа эрнере икĕ хут тухать. Ытларикун 4, эрнекун 8 полосапа. Издательство çуртĕнче ытти районсен хаçачĕсене те пичетлеççĕ. Çавăн пекех Чĕмпĕр облаçĕнчен, Мари Эл республикинчен саккассем йышăнаççĕ. Иртнĕ çул 9 миллион тенкĕ тупăш тунă. Предприятире вăтам ĕç укçи 20 пин тенкĕпе танлашать. Çавăнпа хаçатра тăрăшакансем малашлăха хăрамасăр пăхаççĕ, çĕнĕрен те çĕнĕ тĕллевсем лартаççĕ. 
 
По теме
gtCvxck2eWwsgINfZxIDyL8vTk2TEZ5r - Знамя Труда По информации, озвученной на совещании Координационного совета при Главе Чувашской Республики по обеспечению правопорядка, планируется завершить строительство вытрезвителя в Чувашии к началу лета текущего года.
Знамя Труда
«Санитарная авиация» помогает спасать жителей Чувашии - Министерство здравоохранения В Чувашской Республике в рамках инициированного Президентом России Владимиром Путиным Национального проекта «Здравоохранение» продолжается реализация регионального проекта «Развитие системы оказания первичной медико-сани
Министерство здравоохранения
27 марта в рамках кураторских выездов Цивильскую больницу посетила главный внештатный специалист психиатр, внештатный специалист эксперт-психотерапевт, главный врач Республиканского наркологического диспансера Елена Калинина.
Наркологический диспансер
В Чувашии стартует XXVIII Международного балетного фестиваль. - Министерство культуры, по делам национальностей и архивного дела  С   5 по 14 апреля 2024 г. в Чувашском государственном театре оперы и балета «Волга Опера» Минкультуры Чувашии пройдёт XXVIII Международный балетный фестиваль .
Министерство культуры, по делам национальностей и архивного дела
Университет Яковлева инициировал открытие выставки «Сказания Шри-Ланки» - ЧГПУ им. И.Я. Яковлева Сегодня, 27 марта, в Музее чувашской вышивки состоялась церемония торжественного открытия выставки «Сказания Шри-Ланки (Tales of Sri Lanka)» , организованной Чувашским государственным педагогическим университетом им.
ЧГПУ им. И.Я. Яковлева