Аваллăха упраса, малашлăха ĕненсе

Чăваш наци конгресĕ çĕнĕ проект пурнăçа кĕртет. Унăн тĕллевĕ ― тăван халăх йăли-йĕркине çитĕнекен ăрăва тивĕçлипе хаклама вĕрентесси.

Алексей Енейкин, Зоя Яковлева

«Аваллăха упраса, малашлăха ĕненсе» проекта Андриян Николаев космонавтăн тăван ялĕнче ― Шуршăлта уçма йышăннă. Мухтавлă ентешĕмĕр çуралса ӳснĕ çĕр çинче пуçарнă ĕç ăнăçлăн пурнăçланасса шанаççĕ ăна йĕркелекенсем. Ку тăрăхри халăх чăнах та аваллăхпа çыхăннă ыйтăва пысăк тимлĕх уйăрма тăрăшать. Алевтина Петрова ертсе пыракан «Çутă çăл» фольклор ушкăнĕ чăваш йăли-йĕркине упраса хăварас енĕпе тимлет. Иртнĕ 2 çулта кăна вĕсем 100 ытла ĕç-пуç ирттернĕ. Ялти артистсем халăха концертсемпе, хăйне евĕрлĕ спектакльсемпе савăнтараççĕ.

Халăх кăмăлне çĕклени артистсене хăйсене те савăнăç кӳрет. Культура çуртĕнчех вĕсем авалхи пурнăçпа паллаштаракан курав йĕркеленĕ. Район администрацийĕн пуçлăхĕ Анатолий Мясников та чăваш халăхĕн пуян тупри ан пĕттĕрччĕ тесе халĕ самай тăрăшмаллине каларĕ.

Шуршăла Чăваш наци конгресĕн хастарĕсем пысăк йышпа пынă. Вĕсем çĕнĕ проект хăйĕн çимĕçне патăр тесен мĕнлерех ĕçлемелли пирки калаçрĕç. Кашни чăваш ачи ашшĕ-амăш чĕлхипе тăван халăх историне, йăли-йĕркипе юрри-ташшине, юмах-халапне пĕлме тивĕç. Хамăрăн тымарсене манманни çамрăк ăрăва чăвашлăхпа мăнаçланса çирĕп пулма вăй-хăват парасса шанаççĕ. Çак тĕллевсене пурнăçа кĕртессипе ятарлă ушкăн икĕ енпе ĕçлеме палăртнă.

Вырăсланса пыракан чăваш çамрăкĕсене тăван культурăпа кăсăклантарас ыйту та темшĕн йывăрлансах пырать. ЧНК пайташĕсем халĕ çак ĕçĕн тухăçлăхне ӳстерес тесе çĕнĕ енсем шыраççĕ. Районсенче халăхпа тĕл пулусем йĕркеленĕ чухне паллă çынсене йыхравлаççĕ. Çамрăксенче чăвашлăх туйăмне вăратас тесе эстрада çăлтăрĕсене чĕнеççĕ, хамăрăн йăла-йĕркен вăрттăнлăхĕсене упракан ал-ĕç ăстисен куравĕсене йĕркелеççĕ. Шуршăлти пултарулăх ушкăнĕ лартакан сценкăсемпе спектакль-тавраш шăпах çамрăксен кăмăлне çĕклеме пултаракан усăллă ĕç-пуç пулнине палăртмалла.
 
По теме
4fYoJp407o28ucszWeg9Evp1nYYLK5Ym - Знамя Труда На встрече с Главой региона Олегом Николаевым руководитель Управления Федеральной антимонопольной службы по Чувашской Республике Валерий Котеев заявил, что рост цен на бензин в Чувашии не превысил уровень инфляции.
Знамя Труда
«Санитарная авиация» помогает спасать жителей Чувашии - Министерство здравоохранения В Чувашской Республике в рамках инициированного Президентом России Владимиром Путиным Национального проекта «Здравоохранение» продолжается реализация регионального проекта «Развитие системы оказания первичной медико-сани
Министерство здравоохранения
27 марта в рамках кураторских выездов Цивильскую больницу посетила главный внештатный специалист психиатр, внештатный специалист эксперт-психотерапевт, главный врач Республиканского наркологического диспансера Елена Калинина.
Наркологический диспансер
Университет Яковлева инициировал открытие выставки «Сказания Шри-Ланки» - ЧГПУ им. И.Я. Яковлева Сегодня, 27 марта, в Музее чувашской вышивки состоялась церемония торжественного открытия выставки «Сказания Шри-Ланки (Tales of Sri Lanka)» , организованной Чувашским государственным педагогическим университетом им.
ЧГПУ им. И.Я. Яковлева
Спектакль “Анисса” по пьесе чувашского поэта и драматурга Александра Калгана. Фото ДК “Химик” - Газета Грани Вот уже 50 лет народный чувашский театр “Ахрӑм” сохраняет национальные традиции и живительный дух самобытной чувашской культуры.
Газета Грани